Qul laaa amliku linafsee naf`anw wa laa darran illaa maa shaaa`al laah; wa law kuntu a`alamul ghaiba lastaksartu minal khairi wa maa massaniyas soo`; in ana illaa nazeerunw wa basheerul liqawminy yu`minoon
ترجمہ (جالندھری)
کہہ دو کہ میں اپنے فائدے اور نقصان کا کچھ بھی اختیار نہیں رکھتا مگر جو الله چاہے اور اگر میں غیب کی باتیں جانتا ہوتا تو بہت سے فائدے جمع کرلیتا اور مجھ کو کوئی تکلیف نہ پہنچتی۔ میں تو مومنوں کو ڈر اور خوشخبری سنانے والا ہوں
تفسیر بیان القرآن ڈاکٹر اسرار احمد
﴿قُل لاَّ أَمْلِكُ لِنَفْسِي نَفْعًا﴾ أي: لا أقدِرُ على جلْبِ نفعٍ لها ﴿وَلاَ ضَرًّا﴾ أي: دفْعَ ضرٍّ ﴿إِلاَّ مَا شَاء اللّهُ﴾ أن يُوصلَه إليَّ من الضرِّ والنفعِ؛ فإني أملكُه؛ لاختصاصِه بي ﴿وَلَوْ كُنتُ أَعْلَمُ الْغَيْبَ﴾ أي: لو كنتُ أعلمُ الخِصْبَ والجَدْبَ ﴿لاَسْتَكْثَرْتُ مِنَ الْخَيْرِ﴾ أي: المالِ لسَنَةِ القَحْطِ ﴿وَمَا مَسَّنِيَ السُّوءُ﴾ أي: الضرُّ والفقرُ، أي: لفعلتُ الأسبابَ التي أعلَمُ أنها تنتجُ لي المصالحَ والمنافعَ ﴿إِنْ أَنَاْ إِلاَّ نَذِيرٌ﴾ للكافرينَ بالنارِ ﴿وَبَشِيرٌ﴾ بالجنةِ ﴿لِّقَوْمٍ يُؤْمِنُون﴾ يُصدِّقون.
ترجمہ مع حواشی ڈاکٹر اسرار احمد
آپ فرما دیجئے کہ میں خود اپنی ذات خاص کے لیے کسی نفع کا اختیار نہیں رکھتا اور نہ کسی ضرر کا، مگر اتنا ہی کہ جتنا اللہ نے چاہا ہو اور اگر میں غیب کی باتیں جانتا ہوتا تو میں بہت سے منافع حاصل کر لیتا اور کوئی نقصان مجھ کو نہ پہنچتا میں تو محض ڈرانے واﻻ اور بشارت دینے واﻻ ہوں ان لوگوں کو جو ایمان رکھتے ہیں۔۱
حواشی
(1) یہ آیت اس بات میں کتنی واضح ہے کہ نبی (صلى الله عليه وسلم) عالم الغیب نہیں۔
عالم الغیب صرف اللہ کی ذات ہے ۔
لیکن ظلم اور جہالت کی انتہا ہے کہ اس کے باوجود اہل بدعت آپ (صلى الله عليه وسلم) کو عالم الغیب باور کراتے ہیں۔
حالانکہ بعض جنگوں میں آپ کے دندان مبارک بھی شہید ہوئے، آپ (صلى الله عليه وسلم) کا چہرہ مبارک بھی زخمی ہوا، اور آپ (صلى الله عليه وسلم) نے فرمایا کہ ”یہ قوم کیسے فلاح یاب ہوگی جس نے اپنے نبی کے سر کو زخمی کر دیا“، کتب حدیث میں یہ واقعات بھی اور ذیل کے واقعات بھی درج ہیں، حضرت عائشہ (رضي الله عنها) پر تہمت لگی تو آپ پورا ایک مہینہ سخت مضطرب اور نہایت پریشان رہے۔
ایک یہودی عورت نے آپ کی دعوت کی اور کھانے میں زہر ملا دیا، جسے آپ نے بھی تناول فرمایا اور صحابہ نے بھی، حتیٰ کہ بعض صحابہ تو کھانے کے زہر سے شہید ہی ہوگئے اور خود نبی (صلى الله عليه وسلم) عمر بھر اس زہر کے اثرات محسوس فرماتے رہے۔
یہ اور اس قسم کے متعدد واقعات ہیں جن سے واضح ہے کہ آپ کو عدم علم کی وجہ سے تکلیف پہنچی، نقصان اٹھانا پڑا، جس سے قرآن کی بیان کردہ حقیقت کا اثبات ہوتا ہے کہ ”اگر میں غیب جانتا ہوتا تو مجھے کوئی مضرت نہ پہنچتی“۔