سُورَةُ الأعلى
سورۃ الاعلیٰ
Surah Ala
تفسیر بیان القرآن · Tafseer Bayan ul Quran
- ۱ (اے پیغمبر) اپنے پروردگار جلیل الشان کے نام کی تسبیح کرو
- ۲ جس نے (انسان کو) بنایا پھر (اس کے اعضاء کو) درست کیا
- ۳ اور جس نے (اس کا) اندازہ ٹہرایا (پھر اس کو) رستہ بتایا
- ۴ اور جس نے چارہ اگایا
- ۵ پھر اس کو سیاہ رنگ کا کوڑا کر دیا
- ۶ ہم تمہیں پڑھا دیں گے کہ تم فراموش نہ کرو گے
- ۷ مگر جو خدا چاہے۔ وہ کھلی بات کو بھی جانتا ہے اور چھپی کو بھی
- ۸ ہم تم کو آسان طریقے کی توفیق دیں گے
- ۹ سو جہاں تک نصیحت (کے) نافع (ہونے کی امید) ہو نصیحت کرتے رہو
- ۱۰ جو خوف رکھتا ہے وہ تو نصیحت پکڑے گا
- ۱۱ اور (بےخوف) بدبخت پہلو تہی کرے گا
- ۱۲ جو (قیامت کو) بڑی (تیز) آگ میں داخل ہو گا
- ۱۳ پھر وہاں نہ مرے گا اور نہ جئے گا
- ۱۴ بے شک وہ مراد کو پہنچ گیا جو پاک ہوا
- ۱۵ اور اپنے پروردگار کے نام کا ذکر کرتا رہا اور نماز پڑھتا رہا
- ۱۶ مگر تم لوگ تو دنیا کی زندگی کو اختیار کرتے ہو
- ۱۷ حالانکہ آخرت بہت بہتر اور پائندہ تر ہے
- ۱۸ یہ بات پہلے صحیفوں میں (مرقوم) ہے
- ۱۹ (یعنی) ابراہیم اور موسیٰ کے صحیفوں میں